Grod e moal zwee Woche sin vorbei on scho is die Blamaasch vom Wembley vergesse. Au weh. Es hat sich aüsgelövt. Rucki-zucki, vorbei worsch. Lövs angebliche Lövenbändicher hömm sich blamiert bis off die Knoche on ühr groesartich ogekündichtes Lövenherz is am fahlende Lövenmut bei däre Lövenjachd auf die „Drei Löven“ (Three Lions) vo die Insel eefoch nei die berühmt Hose gerötscht.
Müller hat nicht getroffen
Debei worsch noch ganz knapp. Wann halt där Müller getroffe hätt zum guete Schluss. Hat er ower net. Ausgemüllert hats. Hömm jo aach all mitenanner en rachte Müll zommgespillt. Defür hömm se ze Racht dann aach e Müllabfuhr gricht. Eichentlich wollt ich bei dem Müller sei Solo scho ostimm: „ Dann macht es Bumm, ja und dann krachts, und alles schreit: „Der Müller machts“. Nix worsch. On ich bin ganz sicher, dr Müller hätts gemocht, ower halt net dr Müllerbursch. So worsch halt bloes e Tritt in die Mülltonne.
Hansi Flicks Flickwerk
Ower am Fußballhimmel is dr Löv inzwösche ab- on e ganz neüer Stern aufgetaucht. Hansi Flick. Mit ganz neüem Flickwerk will här widder e ganz neü Mannschoft zomm flick. Debei werd här scho so manchen Flickflack hieleech, do debei vielleicht aach däre Müllerbursche dann so machen Lövenzahn zieh mösse, damit net aach widdr so en Flickenteppich raüskömmt.
Verflickst noch e moal. Wann här bloes e bisle flicksibel is, dann konn här onneren Schlappeflickern wumöchlich die Flickschusterei austreib on sie könne sich nooch em nächste Spiel geche die „Drei Löve“ mit en Humpe Löwenbräu übergiss. Dann wär die Blamaach vom Wembley womöchlich widdr geflickt.
On für allem. Fußbalguck tät widdr Spaß mach.
Ned auszudenke